ආදරය Quotes වලින් - 8ලොකු ලොකු මිනිස්සුන්ගේ ලොකු ලොකු කියමන් හොයන් යන ගමනේ අදත් සෙට් වෙමු Love Quotes..
“A guy can love MILLION hearts,
But a real guy loves ONE heart,
In MILLION ways…”
-Sewwandi-
“පිරිමියෙකුට හදවත් මිලියනයකට ආදරය කල හැකි වුවත් සැබෑ පිරිමියාට කල හැකි වන්නේ එක හදවතකට ආකාර මිලියනයකින් ආදරය කිරීම පමණි”ඔන්න තේරුම... මේකත් නිකං අර කමිස අතර ෂර්ට් එක වගේ වැඩක්. මේ ලෝකේ එක මිනිහෙකුට ආදරය කරන්න පුළුවන් එක ගැහැණියකට විතරයි කියලා කියලා කවුරුවත් කියලා නෑ නේ? තමන්ට ඕනේ තරම් ආදරය කරන්න පුළුවන්. ඒ මම කිව්වේ පිරිමි ගැන. ඔය පිරිමි ගොඩ අතරේ සැබෑ පිරිමියා වෙන්නේ එක ගැහැණියකට තමන්ට පුළුවන් හැම විදියටම අවංකවම ආදරය කරන කෙනා විතරයි. අපි කවුරුත් කැමතියි අපි අපේ කොල්ලගේ හරි කෙල්ලගේ one and only ප්රේමය වෙන්න. අන්න ඒ දේ තේරුම් අරගෙන හදවත් මිලියන ගණනක් අතරේ තමන් ආදරේ කරන එකම එක හදවතක් තෝරාගෙන බොක්කෙන්ම ආදරය කරන කෙනා තමයි අන්තිමට දිනුම්.. ඔය දකින දකින මල් පස්සේ යන බඹර කොල්ලෝ (කෙල්ලන්ගේ වචන වලින් කිව්වොත් කුකුල් කොල්ලෝ!) ඒ වෙලාවට සෙට් වෙන කාට උනත් බොරුවට ආදරේ කරන්න යනවා... අන්තිමට මොකද වෙන්නේ? වැඩේ මාට්ටු උනාට පස්සේ එකෙක්වත් නෑ.. අඩුම තරමේ වටේට හිටපු යාලුවොත් නෑ... පුළුවන් උපරිමේටම පීචං වෙලා පැත්තක ඉන්දෙද්දී, අර හදවත් මිලියනය අතරේ එක හදවතකට විතරක් අවංකව ආදරය කරපු කෙනා ෆුල් ෆන් එකේ ඉන්නවා.... ඔන්න වෙනස...තමන් අවංක වෙන්න... එහෙම උනොත් ඔයා කවදාවත් ආදරය පරදින එකක් නම් නෑ...
“Some Love from eyes,
Some love from face,
But true People,
Love from their
HEARTS…”
-Nayanaka-
“සමහරුන් ඇස් වලින් ආදරය කරයි... තවත් සමහරුන් මුහුණෙන් ආදරය කරයි... නමුත් සැබෑ මිනිසා හදවතින් ආදරය කරයි..” ඔන්න තේරුම.. ඔය කතාවත් කලින් එක වගේම තමයි... ඔයාලට මේ වගේ ඇත්තෝ ඕනේ තරම් හම්බුවෙලා ඇති.... කන්න වගේ මූණ දිහාම බලාගෙන ඉන්න උන්, පර්ස් එකට විදින උන්... එතකොට එක ඇහැක්වහලා බලන ඇස් ලෙඩ හැදිච්ච උන්.. ඔය වගේ... විශේෂයෙන් කෙල්ලන්ට එහෙම මේ අත්දැකීම හොඳට ඇති... මුල්ම දවස් වල මේ වගේ උන් පෙන්නන්න බැරි උනාට පස්සේ පස්සේ තමයි හිත නැමෙන්නේ... ඔහොම ගිහින් දෙන්න සෙට් උනයි කියමුකෝ.... ඔය ආදරය දවස් කීයද? වැඩිම උනොත් මාසයයි... අන්න ඒ නිසා ආදරය කරන්න පටන් ගන්නකොට තමන් දැන ගන්න ඕනේ ටිකක් විමසිලිමත් වෙන්න... ඔය ඇස් වලින් මූණෙන් බොරු සෙල්ලන් දැම්මට එව්වා නිකන් සෝඩා බෝතල් වගේ... මූඩිය කඩනකන් විතරයි.. ඔය එක එක විකාර අස්සේ ඇත්තටම හදවතට ආදරය කරන අයත් ඉන්න පුළුවන්... අන්න ඒ වගේ අය තමයි ඇත්තම මිනිස්සු... පිටින් බැලුවම නම් මේ දෙගොල්ලෝ කවදාවත් අඳුන ගන්න බෑ... ඔක්කොම සමානයි.. එත් හදවතින් වෙනස්. අපි සැබෑ මිනිස්සු අඳුන ගත්තොත් විතරයි ආදරය ජය ගන්න පුළුවන්. අන්න එකට වෙන්න ඕනේ ඇස්, මූණ වගේ මිනිස්සුන්ගේ එලියට පේන දේවල් නොබලා ඇතුලත, හදවත දකින්න පුරුදු වෙන එකයි....ඒ මොකද හදවත ආදරය කරද්දී කවදාවත් බොරු කරන්නේ නෑ! ආදරය කරද්දී ඔයාලාට වෙන ලස්සන සිදුවීම්, අත්දැකීම්, වැරදීම්, මනස්ගාත... හැමෝම එක්ක බෙදා ගන්න කැමති නම්, පොඩි Quoteඑකක් හදලා මට එවන්න... මම නිමා...Nima.quotes@gmail.com 