ආදරය quotes වලින් - 7

ආදරය quotes වලින් - 7

 

ලොකු ලොකු මිනිස්සුන්ගේ ලොකු ලොකු කියමන් අතරේ පිස්සු හැදෙන ආදරය හොයන සුන්දර චාරිකාව ..

Love Quotes....

ඔන්න එහෙනම් මේ සෙනසුරාදා වැලෙන්ටයින් නේද? තමන්ගේ කොල්ලා හරි කෙල්ල හරි එක්ක ෆන් එකේ වැලෙන්ටයින් සමරන සහ එදාටත් ඔහේ කාලා බීලා නෝමල් එකේ ඉන්න තනිකඩ Young Generation එකට  එක සේම සුබ පතන ගමන් අපි බලමු අද Quotesමොනවද කියලා...

"I fell for you

Unexpectedly

But now I plan to

Be with YOU

FOREVER"

“ඔබ කෙරෙහි නොසිතු මොහොතක හිත ඇදී ගියත් දැන් ඔබ හා සැමදා සිටීමට මම සැලසුම් කරමි”

 ඔන්න තේරුම...

ඔයාලටත් මේ අත්දැකීම ඇති.... ඔය එකට වැඩ කරන යාළුවො එහෙම යාළුකම පැත්තක දාල ආදරේ කරන්නේ, ඇයි ඔය ගෙවල් ළඟ කෙනෙක් නැත්තම් ක්ලාස් එකෙක කෙනෙක් වගේ හිතට වදින කෙනෙක්  හිටියොත් ඔයාලගේ හිත එයා දිහාවට නිකම්ම ඇදිල යනවා නේ? හැබැයි ඒ යාලු වෙන්න කලින්... යාලු උනාට පස්සේ ඉතින් කවුරුත් ආස කරන්නේ එයා ඔයත් එක්ක හැමදාමත් ඉන්නවනම් නේ? අන්න එකට ඉතින් දෙපාර්ශවයම නොකරන දෙයක් නෑ... පිටට නොපෙන්නුවට කවුරු කවුරුත් කරන්නේ ඔය වැඩේ තමයි... හැබැයි ඉතින් ඔය ලස්සන සිතුවිලි හැමදාමත් තියෙන්නේ ඕනේ... නැත්තම් ඒ ආදරෙන් වැඩක් නෑ... ඔහොම පණ උනත් දෙන්නම් කියලා යාලු වෙන සම-හරක් සතියක් දෙකක් යද්දී වැඩේ අල කරගෙන, වෙන් වෙලා, හිත බිඳිලා, අඬ අඬ ඉන්නවා.. හැමදාමත් ආදරෙන් ඉන්න සැලසුම් කරනවානම් ඔය වගේ දේවල් වෙන්න බෑ.... එකිනෙකා තේරුම් අරගෙන තමයි අනාගතය සැලසුම් කරන්න ඕනේ... නැත්තම් ඉතින් “අය්යෝ සල්ලි” තමයි...

 

Missing

Someone is your

Hearts way of

Reminding

You that you

LOVE them…

“වෙන් වීමෙන් ඇතිවන පාළුව ඔබට, ඔබ ඒ කෙනා හට ආදරය කරන බව පැවසීමට ඔබේ හදවත යොදන ක්‍රමයයි”

ඔන්න තේරුම...

කවුරු හරි ළඟ නැති උනාම දැනෙන පාළුව ඔයාලට අමුතුවෙන් කියන්න ඕනේ නෑ නේ? එක ඔය හැමෝටම ජීවිතේ කවදා හරි දවසක දැනිලා ඇති... හිතන්න ඔයා කැමති කවුරු හරි කෙනෙක්  දුර පළාතකට ටික දවසකට යනවා..... ගියපු වෙලේ ඉඳලා ඔයා බලන් ඉන්නේ ආපහු එන දවස කවදද කියලා නේද? සමහර ය නම් කැලැන්ඩරේ දවස් ගානට කතිර ගහ ගහ බලන් ඉන්නවා.... ඒ ඇයි කියලා කවුරු හරි හිතුවද? ඒකට ඔයාලා  මොන වගේ උත්තර දුන්නත් හොඳම සර්ව සාධාරණ උත්තරේ තමයි “ඒ ඔයා එයාට ආදරේ හින්දා”.... එහෙම ආදරේ කරන්න ගර්ල්ෆ්‍රෙන්ඩ් හරි බෝයිෆ්‍රෙන්ඩ් හරි වෙන්න ඕනේ කියලා නීතියක් නෑ.... ඔයාගේ සහෝදරයෙක් එහෙම නැත්තම් පවුලේ කෙනෙක් වගේ උනත් ඔයාලා බලන් ඉදීවි....  ඒ බලන් ඉන්නේ ඔයා එයාට ආදරේ නිසා.... මොකද  හැමෝම තමන්ගේ පවුලේ කට්ටියට ආදරෙයි....  ඔයාගේ හදවත ඇතුලේ ඔයා ආදරේ කරන්න හැමෝම ඔයාගේ මරණය දක්වාම ජීවත් වෙනවා.... ඔයාට ඔයා ආදරය කරන කවුරු හරි මතක් කරන්න හදවත් ඇතුලේ තියෙන ටෙක්නික් එක තමයි එයා නැති පාළුව දැනෙන්න අරින එක....  පාළුව කියන්නේ නරක දෙයක් නෙවේ.... ඒ මොකද පාළුව දැනෙන හැම පාරකටම ඔයා දැනගන්න ඕනේ ඔයා ඒ කෙනාට ආදරේ කරන බව...

ඕන් එහෙනම් වැලෙන්ටයින් වෙනුවෙන් Young Generation එකට මගේ ගානේ දෙන Quote එක......

 

LOVE

With all your

HEART

And

Accept it

With all your

HEART

                -Nima-

“ආදරය කරන්න, මුළු හදවතින්.... ආදරය පිළිගන්න,  මුළු හදවතින්....”

ඔන්න තේරුම.... ආදරය කරනකොට බොරු කරන්න එපා.. ඔයාට අවංකවම එයාට ආදරේ කරන්න බැරි නම් බොරුවට ආදරේ කරන්න එපා... මොකද ඔයා කගේ හරි හිතක්, හදවතක් බිඳලා දැම්මොත් ඒ වැරැද්ද ආයේ කවදාවත් හරිගස්සන්න බෑ... ඔය සමහර උදවිය ඉන්නවා කවුරු හරි කෙල්ලෙක් හරි කොල්ලෙක් එක්ක හරි යාලුවෙන්නේ මොකක් හරි ප්‍රයෝජනයක් ගන්න විතරයි... අර මම ගිය සතියේ කිව්වා වගේ සමහර උන්ට තියෙන්නේ දත ගැලවීමේ පරමාර්ථය... විශේෂයෙන් කෙල්ලන්ට... ඒ වගේම කොල්ලොත් ඉන්නවා කෙල්ලෙක් එක්ක යාලු වෙන්නේ අර අහවල් ප්‍රයෝජනේ ගන්න විතරයි.... ඔය දෙගොල්ලෝ ගාවම ආදරයක් නම් ගෑවිලාවත් නෑ...  ඒ වගේම ඔයාට කවුරු හරි ආදරේ කරනවා නම් එයාගේ ආදරේත් නිකන් අවට ගියාට පිළිගන්න එපා... පොඩ්ඩක් බලලා ඔයත් කැමති කෙනෙක් තොර ගන්න... හැබැයි තෝර ගන්න කෙනාට උපරිමයෙන් ම ආදරේ කරන්න බලාගෙන.. ඒ වගේම එයාගේ ආදරෙත් පිළිගන්න ඕනේ.... ඔයා එයාට කරන ආදරේ වගේම තමයි එයා ඔයාට කරන ආදරේ...  එක නිසා ඒ ආදරෙත් බොක්කෙන් ම පිළිගන්න ඕනේ... ඔයාල මෙච්චර කල් මේ විදියට කරලා නැත්තම් ඔන්න හොඳම චාන්ස් එක... 14 වෙනිදා නමෝ විත්තියෙන් පටන් ගෙන බලන්නකෝ.... ප්‍රතිපල හොඳද කියලා... හොඳ නම් ඉතින් මටත් කියන්න බැරියැ...

 

දිගටම ඔයාලගේ ඔලුවට එන ආදර මනස්ගාත මට එවන්න...

 

මම නිමා

Nima.quotes@gmail.com